🇰🇿 Қазақстандағы Yandex сервистерімен байланысты негізгі компаниялар 2025 жылы бюджетке шамамен 28,94 млрд теңге салық аударған. JaiSandar ашық салық деректеріндегі компаниялардың төлемдерін жинақтап есептеді.
Ең көп салықты Y. Taxi Qazaqstan төлеген. Компанияның 2025 жылғы төлемі 19,84 млрд теңгені құрады. Бұл есепке кірген Yandex компанияларының жалпы салық аударымының 68,5%-ы.
зерттеуі
Одан кейін Y. Jetkizu — 3,22 млрд теңге, ал FUNTECH — 3,19 млрд теңге салық төлеген.
Y. Tagam бюджетке 1,42 млрд теңге, Y. Izdeu Men Jarnama — 1,09 млрд теңге аударған.
Y. Lavka компаниясының салық төлемі 167 млн теңге болды. Ал Y. Bastau небәрі 16 млн теңге салық төлеген.
Жалпы алғанда, есепке кірген жеті заңды тұлғаның 2025 жылғы салық аударымы 28,94 млрд теңгеге жетті.
Айта кетейік, бұл Yandex тобының ресми шоғырландырылған есебі емес. Көрсеткіш Қазақстандағы ашық салық деректерінде көрсетілген және Yandex сервистерімен байланысты негізгі заңды тұлғалардың төлемдерін қосу арқылы есептелді.
